搜尋此網誌
2012年12月18日 星期二
聖誕曲奇~~
一年一度聖誕又黎啦~~
今年, 乜禮物都未買~ 乜野都未安排~~
每日都係屋企做曲奇~~
數量唔小, 唯有密密做, 快快手~~
今日, 我做左一包4隻味~
有杏仁, 朱古力, 牛油同埋伯爵茶~~
唔知點解, 公司post唔到相, 我唯有今晚先post~
2012年11月13日 星期二
2012年11月5日 星期一
黑眼圈~ 附熊貓曲奇食譜
自讀書有電腦以黎~
我諗我個黑眼圈都冇減退過!
星期日, 係屋企, 冇乜攪~
咁耐冇整野食, 不如整返個曲奇啦~
就係佢, 黑眼圈的熊貓曲奇~
我諗我個黑眼圈都冇減退過!
星期日, 係屋企, 冇乜攪~
咁耐冇整野食, 不如整返個曲奇啦~
就係佢, 黑眼圈的熊貓曲奇~
食譜
白色粉糰
牛油 60G
糖 45G
蛋液 20G
低粉 120G
黑色粉糰
牛油 30G
糖 20G
蛋液 10G
低粉 55G
竹碳粉 5G
做法: (白色同黑色麵糰做法一樣, 但一定要分二個兜做)
1. 牛油放軟, 加入糖, 打至淡黃色~
2. 加入蛋, 入1, 攪勻, 西入麵粉~
3. 攪勻, 用手搓30下.
做型: (所有都搓成20CM長條)
1. 先把白色分3份, 黑色分5份~
2. 拎一份白色, 做U型, 跟住拎一份黑色放上U入面做鼻
3. 跟住拎另一份白色搓成梯型, 跟住放上鼻上,
4. 拎二份黑色做眼, 分別放係梯型左右二邊.
5. 拎最後一份白色, "顏"平, 包住成舊粉糰做個面.
6. 拎最後二份黑色做耳仔.
7. 用保鮮紙包住, 放冰箱30分鐘, 跟住拎出黎切片(4MM)~
8. 預熱焗爐160度, 焗15分鐘~
2012年10月10日 星期三
2012年9月28日 星期五
太陽出來了~ (造咸蛋)
上星期日, 跟公司遊大澳~
探訪下居民~
睇白海豚, 整咸蛋咁~
當中, 我梗係最想整咸蛋啦~
因為未整過, 好新奇, 好開心, 好奇待~
原來, 以前的船家係會拎鴨蛋白黎修補魚網~
咁蛋黃唔哂, 就拎去哂~
過程都係好簡單~
先把鴨蛋白同黃分開, 蛋白去修網~
蛋黃過清水, 清除多餘的痴在蛋黃上的蛋白~
跟住放上下面相的竹簍, 灑上鹽, 好好陽光咁曬二日~
當然當二日要反一反轉再曬下啦~
就係咁, 完成, 放入雪櫃, 可以保存一個月~
2012年9月25日 星期二
蜜糖焗雞翼 [附食譜]
甜我鐘意~
雞翼我都鐘意~
今次, 我整蜜糖雞翼~
材料~
雞翼 10隻
豆粉 2茶匙
鹽 1茶匙
糖 1茶匙
雞粉 1茶匙
蜜糖 2湯匙
做法:
1. 雞翼, 豆粉, 鹽, 糖, 雞粉圴合, 醃半個鐘~
2. 用鍚紙鋪上焗盤, 再係鐵架上放上雞翼, 170度焗10分鐘.
3. 之後焗完再搽上蜜糖再焗多180度7分鐘, 反轉再搽蜜糖再180度焗7分鐘至金黃色~
豆漿 - 附食譜 + 做法
一盒豆漿, 買只係$4.8!
點解我要自己整?
因為...
我覺得出面既野係有添加劑既~
我覺得自己整可以冇咁甜~
我覺得自己整可以學多一點點~
我覺得自己整可以想點就點~
以下係做法, 食譜~
材料:
黃豆 半包(係點點綠到買)
水 1100ml
碎冰糖 50g
黃豆早一日要浸定
做法:
1, 先把黃豆浸過夜~
2, 起身換水, 再浸多3個鐘~
預備:
一個魚袋
一個煲 (煲豆漿用)
攪拌機
做法~
1. 先用攪拌機把400ml水同一半黃豆放入去攪拌機到打2分鐘. (依個步驟所有材料分開做2次)
2, 重複以上動作
2-1. 把攪完出黎既豆漿倒入魚袋隔渣. 再放入煲
3, 把餘下的300ml水, 同埋2轉既豆渣再用攪拌機攪2分鐘.
4, 再隔渣, 再放埋入煲~
5. 慢火煲約15分鐘, 見到佢滾再邊攪邊煲 5分鐘~
p.s, 記得要慢火, 因為豆漿好容易煨.
2012年9月6日 星期四
薯不簡單~
新鮮滋味, 薯不簡單~
話說, 我買左部萬用機~ 可以切片, 絲~
咁我就醒起, 可以整薯片喎~
咁我就用油, 鹽醃一醃, 就根住拎去焗, 你睇, 成功左啦~
當然我覺得佢健康過炸啦, 但係佢會硬一d, 可能我切左厚片~
做法~
先把薯片切片, 用水浸15 mins
根住"鯨"乾水, 用油鹽醃一醃~
拎去焗, 160度, 15分鐘 (其實見到金黃色就ok)
朱古力戚風海棉蛋糕! [附食譜]
戚風蛋糕, 其實我一路都冇整過~~
只係食過美心既戚風~~
究竟, 係乜家伙呢? 點做呢?
睇到大少奶個blog, 佢好鐘意做, 咁我今次就抄左佢個食譜, 跟住做~
雖然我冇佢個中間穿洞既模, 但我用8"照焗, 同樣地, 成功的~
我第一次整已經成功~
真係好多謝佢個食譜~
個質感, 好軟熟, 撳落去, 會回彈返上黎~
今次我仲用左新機打蛋白, 都打左成個字先完全企身~
部機真係好方便, yoyoyo
食譜如下~ (from 大少奶)
材料
蛋黃 3個
細砂糖(a) 30g
牛奶 45cc
橄欖油 35cc
低粉 60g
可可粉 15g
泡打 1/2茶匙
蛋白霜
蛋白 4個
砂糖 (b) 60g
做法:
1)將牛奶座暖
2)將蛋黃同砂糖(a)拌勻,暖牛奶及橄欖油
3)粉類過篩加入蛋糊直至完全混合
4)將蛋白加入砂糖(b)打至企身,將朱古力粒加入蛋糊再用Fold-in方法完全混合蛋白,入模以180度焗50~55分鐘,取出後要倒扣放涼直至完全冷卻才可以脫模
2012年8月27日 星期一
推界 - 日式放題 - 漁屋 (尖咀分店)
有間好野想介紹比大家~
星期六為朋友慶祝生日, 去左漁屋食生日飯~
六個送一個, 每位計埋加一180蚊~
跟住係任食任飲二個鐘!
佢d野唔會漏單, 仲要係好大碟!
所以我覺得唔錯, 員工唔會唔理你, 服務都ok, 衛生都ok~
星期六為朋友慶祝生日, 去左漁屋食生日飯~
六個送一個, 每位計埋加一180蚊~
跟住係任食任飲二個鐘!
佢d野唔會漏單, 仲要係好大碟!
所以我覺得唔錯, 員工唔會唔理你, 服務都ok, 衛生都ok~
New Toy - Kenwood食物處理機
琴日同媽咪去左行街飲茶~
由於我好鐘意貴夫人部攪拌機~
但係三千幾蚊太貴, 我唔捨得買!
因為我覺得, 三千幾蚊得一個function, 真係名乎其實, "貴"夫人囉
跟住, 行個轉彎counter, 見到好多人圍住講依個機!
佢好似好勁咁
做到攪拌, 磨粉, 刨碎, cut野, 渣汁, 攪肉等等既野, 仲可以攪蛋糕, 做麵包!
好似萬能合一咁!
我同呀媽都中左招, 比個呀叔sales 到!
最終買左返屋企!
話有28function, 其實得6, 7種會常用~
由於我好鐘意貴夫人部攪拌機~
但係三千幾蚊太貴, 我唔捨得買!
因為我覺得, 三千幾蚊得一個function, 真係名乎其實, "貴"夫人囉
跟住, 行個轉彎counter, 見到好多人圍住講依個機!
佢好似好勁咁
做到攪拌, 磨粉, 刨碎, cut野, 渣汁, 攪肉等等既野, 仲可以攪蛋糕, 做麵包!
好似萬能合一咁!
我同呀媽都中左招, 比個呀叔sales 到!
最終買左返屋企!
話有28function, 其實得6, 7種會常用~
磨完出黎d芝麻, 我覺得唔係好幼細, 仲有殼, ma ma 地~
2012年8月21日 星期二
Food EXPO 2012 - 計數篇
奇華福袋 $80
蝦 $148
泡夫+雪糕 $125
龍蝦 $80
扇貝 $10
黑橋腸 $12
碗仔翅 $10
臘腸卷 $15
臘腸+臘腸卷 $304 (2斤臘腸+4個臘腸卷, 送一包湯丸, 一pk2個冰皮月餅)
古龍五香肉丁 $30
花椒油 $12
冰皮月餅 $108
台灣杯仔北海道cake $38
鴻星魚仔 $50/5包 day1
鴻星魚仔 $50/6包 day 2
籃鑽果仁 $80/3pk
total $1152
蝦 $148
泡夫+雪糕 $125
龍蝦 $80
扇貝 $10
黑橋腸 $12
碗仔翅 $10
臘腸卷 $15
臘腸+臘腸卷 $304 (2斤臘腸+4個臘腸卷, 送一包湯丸, 一pk2個冰皮月餅)
古龍五香肉丁 $30
花椒油 $12
冰皮月餅 $108
台灣杯仔北海道cake $38
鴻星魚仔 $50/5包 day1
鴻星魚仔 $50/6包 day 2
籃鑽果仁 $80/3pk
total $1152
Food EXPO 2012
我好鐘意食野, 又好鐘意買野~
所以我每年都會去美食展~
其實d野一d都唔係平, 但係我覺得好有氣氛, 我覺得好開心~
咁啱開果日我放假, 同少爺去行左個圈~
都有小小收穫, happy~
依個係明新食品既北海蛋糕, 好好味架~ 38蚊一盒有6個, 抵~
所以我每年都會去美食展~
其實d野一d都唔係平, 但係我覺得好有氣氛, 我覺得好開心~
咁啱開果日我放假, 同少爺去行左個圈~
都有小小收穫, happy~
依個係明新食品既北海蛋糕, 好好味架~ 38蚊一盒有6個, 抵~
依個泡夫一d都唔簡單, 又係好味, $25蚊一盒, 我買左原味~
$148/1kg蝦, 都ok既~
最後買左好多野, 有雪糕, 嘿嘿, 仲有鴻星龍蝦, 90蚊一隻~
精神! 香噴噴既菠蘿士多啤梨酵素
終於都浸起左, 但我仲未得閒飲!
因為又整左海燕窩....
終於都飲哂, 至於依個, 聽日都會飲下既~
但係提子果支都未飲完, 我諗有排唔會攪住lu~
haha, 但依個好香噴噴, 我諗都唔會太難飲!
因為又整左海燕窩....
終於都飲哂, 至於依個, 聽日都會飲下既~
但係提子果支都未飲完, 我諗有排唔會攪住lu~
haha, 但依個好香噴噴, 我諗都唔會太難飲!
2012年8月10日 星期五
手撕雞 - 附食譜
手撕雞, 依期好多人講~~
因為我屋企附近開左一檔~
有d人話好好味, 有d人話mama地~
我不嬲都喜歡自己整~
雖然未食過果檔野~
但我相信, 我自己整得唔會比佢差~
食譜如下~
冰鮮芝麻雞 一隻
鹽 2.5湯匙
雞粉 1湯匙
糖 1湯匙
鹽焗雞湯 2湯匙
做法:
1. 先把雞洗乾淨, 剪走脛以上地方, pat pat~
2. 用1湯匙糖, 1.5湯匙鹽搽勻隻雞醃2個鐘
3. 用水沖走雞上的鹽同糖 (記得倒走所有血水, 以及沖乾淨隻雞)
4. 把雞剪件, 方便入味, 用1湯匙鹽, 1湯匙雞粉, 2湯匙鹽焗粉, 醃3個鐘 (倒走碟上血水)
5. 水滾放雞, 大火隔水蒸10分鐘,
6. 放涼, 用手撕開雞肉
7. 雪過之後d皮會爽d~
訂閱:
文章 (Atom)