早來到的情人節....

今年情人節冇擇住過年.....

雖然我地不嬲都唔會特別慶祝...

亦都覺得唔需要大時大節先送禮物既....

但, 成為了IT太後, 我要對我的老公好一點....

今年, 我送份情人節比我情人先得.....

就因為咁, 我知IT人都好鐘意依架Lego車....

而香港反斗城亦都好快咁比人搶到冇曬....

咁我就唯有係出面鋪頭訂定, 再送比我情人啦~

小小驚喜, 雖然it人平時唔會比驚喜我.....

但我唔會因為佢唔比而我唔做....

我最鐘意睇到佢咀角微微向上, 咁我就自我感覺良好....哈哈~

多謝你送給我的iPhone 6 + 3月英國購物之旅....

茄汁過期啦......

終於.....

終於整完野食會的起心肝影返張相!

因為好耐都冇試過!

我都唔知點解....哈哈

我發現屋企茄汁未開, 但係到左期....

激死人....

最終, 要落樓買過!

黑毛豬扒, 係大埔燒烤樂園買

好好味, 只係落左鹽同埋黑胡椒, 已經好好味啦~

仲要係我先前冇醃過, 煎既時候已經好香噴噴...

同埋煎完佢既肉一D都唔UM....

果然係一分錢一分貨, 貴野的確係唔同D.....

茄意做法:

意粉 N.5 半包

鹽 1茶匙

橄欖油 1湯匙

新鮮蕃茄 2個

橄欖油 1/2湯匙

茄汁 100ml

水 150ml

糖 3湯匙

黑椒  隨意

百里香 1條

鹽 1茶匙

做法:

1. 水滾, 放意粉, 放1湯匙橄欖油, 1茶匙鹽, 見佢軟哂比水浸過, 熄火, 吸蓋, 焗4分鐘, 倒出代用

2. 落油, 爆炒蕃茄, 放哂所有野落去兜勻, 放入意粉, 煮至汁收乾水. ok