橙色冰團 - 原個鮮橙菠蘿沙冰

咁多位， 中秋節快樂....

適逢中秋節， 我都整左個橙色冰團應應節， 一黎佢係冰， 可消消暑， 二黎圓， 可團圓....食得月餅多食下沙冰都唔錯呢...

食譜：

鮮橙 2個

鮮橙肉 100g

鮮菠蘿 100g

益力多 1支

做法：

1. 把橙及菠蘿雪至冰

2. 把所有野倒入攪勻機， 打勻， 唔太轉既加多小小水就ok

3. 打完， 把沙冰倒入橙盅， 放冰箱雪佢一個鐘， 完成

**

開橙盅做法如下

先用開橙器介一刀

用匙向上推， 直企完成成個蓋...

底都一樣， 向內推， 橙肉爛左都唔怕， 因為都係拎黎做沙冰

完成就係咁既樣

Happy Wednesday - Jockey club

一年一度既馬場啤酒節又開鑼啦~

尋日同少爺去左湊熱鬧....

其實主要係諗住去感受下個氣氛, 同食下野~

燈光火著, 好多人呀.....

係比平時跑馬日多左人, 多左好多外國人~~

不過入到場, 其實可能有跑馬活動啦....

我覺得其實氣氛係比跑馬掩蓋.....

至於食野... 依度比marco polo 價錢合理好多....

豬手都係$120蚊一隻, 啤酒都係4十幾蚊一杯~

可以話係較平民~

野食不錯, 氣氛都不錯, 一年一度都值得去行下架.....

恨食左好耐的台灣紫晶酥....

鐘意比我係搭車回家途中的台灣度買度...

香港真係好好, 不同的鋪頭都有....

英法自由行 - Day6 (Legoland)

話咁快, 行程去到一半啦....

今日我地會去legoland....

朝早行開supermarket, 見到麥提沙曲奇....

買黎食下先~~~

去依度搭火車入温莎.....

搭到去温莎....揾legoland 個巴士站揾左好耐, 但其實係對面.....

我地已經揾唔到架free shuttle, 結果係比錢搭車過去囉.....

Legoland, 好大風, 好凍.... D野都有點舊....

但係未去過我覺得值得去~~

不過吹到我係咁流鼻水.....

離開時, 都成五點啦.....

我地走時見到有間好大tesco....mega....

我地衝左入去....

大到我唔見左個老公呀......至鐘意行咁大supermarket....haha.

英法自由行 - Day5 (Paris to London )

最後一日係巴黎啦~

我地係酒店附近行下....

走左入一間家品店, 好普通的, 仲唔起眼過日本城....

但入到去, 好大間....仲要乜都有, 可能外國人鐘意DIY

所以工具好齊全.....

我好想買塊板返屋企....可惜...我冇手拎啦.....

好大隻既蕃茄~~~






去左市集, 有千層麵呀, 有腸, 買左黎食, 都好有風味既, 但天氣凍, 我覺得唔夠熱~~



超大桶呀.....如果我尾站係巴黎, 我會買一桶.....



求其影一條街都咁靚....之所以花都, 真係冇錯....

希望你地經濟快D好轉~~

可以拎旅客唔使咁提心吊膽啦......

第五日, 我地由巴黎, 落返倫敦~~~

心情.....好放鬆~

因為我地俩個一直一直覺得巴黎治安唔太好~

離開時, 去到火車站我地俩個心情就好似係羅湖返香港一樣.....

返到LONDON, 我地二俩簡單係心係好鬆懈

一黎, 可能聽得明英文先~

冇左一個感覺, 係我隔離話打刧我都唔知既心態先～

跟住返到london其實都夜晚架啦.....

咁我地總要攪埋check in.....先可以出去食飯.....

跟住我地去左行一個好大叫wesrfield 既商場....

都好大架, 又有野食, 好平, 我行左好多轉, 哈哈.....

https://uk.westfield.com/london


入面有lego, 有D平過legoland.....買就做功課啦....

我就係冇做, 得個吉......

沖繩自由行 - 後記..

後記係.....

辛苦了三位渣車的舅父.....

因為真係渣足三個全日.....

而佢地係香港都有渣開車.....

跟住係要ready map code....

日本map code 好準確, 同時請記抵你去既地方幾時會定休, 或開幾點, 閂幾點...

因為, 我今次人多, 時間好難控制~

由本身30分鐘的景點, 可能要走一個鐘~

依個情況唔可以太過執著, 總之大家安全又開心就得啦~

而後生的朋友, 同老人家去就幫佢地手揾左佢想買, 想做既野先~

因為你唔咁做, 下次你請佢地都唔會同你去....

今次, 我好似同班小學生去旅行咁, 好開心好完满...

大家安安全全, 幾日以來都冇病冇痛, 真係感恩....

**

雖然今次, 我自己唔夠時間買想買既野~

但係見大家開心, 都係一件樂事~

我唔知幾時再有機會同你們一齊再去旅行.....

但至小我們也有一個共同的回憶....

生炒糯米飯.....體驗篇...

生炒糯米飯, 我唔係第一次做.....

之前炒過佢痴埋一舊舊, 有可能係我放得水太多, 令到佢痴埋左一舊....

今次我為清左雪櫃舊臘腸為由, 我又再炒一次.....

米今次浸左成10個鐘......

先用油爆香臘腸, 再炒糯米....見佢乾哂身先放水, 慢慢黎, 好易炒, 控制水份好緊要!

記得見佢吸哂水先再落, 最尾放老抽加色, 成件事靚仔哂.....

沖繩自由行 - day4 (回程）

最後一日的行程， 當然要去大家想去的地方啦！

大家選擇了天久樂市！

十家各取所需, 我去左MUJI買木碟, 我恨左好耐架啦....

得閒要整返個sunday brunch 先得.....

買完就要走啦！

十八人的戰利品👍👍👍👍满載而歸呀.....

行程完滿月結束

沖繩自由行 - day3

時間飛快， 行程超開心！

第三天， 我們出發往魚市場， 萬座毛，美國村， 天久樂市.....

第一站， 泊魚市場！ 食了美味魚生做早餐:)

今次好開心呀, 因為我地人多, 可以食好多好多不同魚生呀....

平時我地只可選一, 二樣, 今次有十樣呀....開心開心......

萌爆小可媛

萬座毛風景影到跳起呀👍

依個環境真係好舒服👍

企滿一條街既家庭大合照

之後出發美國村, 車上影的美國村.... (美國村 map code: 33 526 421)

本身話食依樣果樣, 倒頭來人很多跟本是不可能的任務~~

只好求其揾間食, 人齊坐好就得了......

跟住下一站去美國村👍

其實， 美國村追風丸拉麵....都好味呀！

行下aeon, 有新款麵包機呀

仲有新款洗碗碟機！

再下一次就係天久樂市啦.......

 要開始pack 喼啦....聽朝就要走啦......