咁大個女, 第一次包粽係讀書時的家政堂!
跟住都未包過.....
數年之後的今日. 我決定包粽.....
一早去買野返黎浸, 包括綠豆, 糯米都要, 浸完要用油鹽嗱下d米!
浸埋元貝...
跟手就"業" 左d米. 同朱肉...
再解開咸蛋, 倒左d白去. 留返個黃, 用小小酒嗱下d蛋黃....
跟住做最大單, 烚粽葉....
我浸完又洗, 洗完再刷, 做左三次!
好污濁呢!
而今次我用錦線, 冇用咸水草!
因為咸水草要浸好耐又易斷, 我用線唔會斷, 勁呀!
今次係第一次自己係屋企包!
上網睇人好似好易, 我覺得包得多就唔難既, 我第一隻都包得唔係好靚~
不過三塊葉包一隻, 都算係幾勁啦~
我會再包的, 但要等呀媽返黎先攪啦~
因為都幾攰的~