人生的第一次, 包粽

咁大個女, 第一次包粽係讀書時的家政堂!

跟住都未包過.....

數年之後的今日. 我決定包粽.....

一早去買野返黎浸, 包括綠豆, 糯米都要, 浸完要用油鹽嗱下d米!

浸埋元貝...

跟手就"業" 左d米. 同朱肉...

再解開咸蛋, 倒左d白去. 留返個黃, 用小小酒嗱下d蛋黃....

跟住做最大單, 烚粽葉....

我浸完又洗, 洗完再刷, 做左三次!

好污濁呢!

而今次我用錦線, 冇用咸水草!

因為咸水草要浸好耐又易斷, 我用線唔會斷, 勁呀!

今次係第一次自己係屋企包!

上網睇人好似好易, 我覺得包得多就唔難既, 我第一隻都包得唔係好靚~

不過三塊葉包一隻, 都算係幾勁啦~

我會再包的, 但要等呀媽返黎先攪啦~

因為都幾攰的~

韓式炒年糕

行過百佳見到依隻年糕好得意~

有心心, 星星, 同一個三個波既花~

我鐘意新鮮野, 我決定買黎睇下好唔好味~

其實韓國年糕, 都冇乜味, 得輕輕既米味...

最主要都係靠佢個汁!

而我, 用左家姐上次去韓國買返黎既辣醬煮~

好惹味, 又唔係話好辣!

但唔記得影個packing出黎比大家~

等我今晚返去再影~

p.s 煮年糕唯一技巧, 就係炒到所有材料七成孰, 加d水同韓國辣醬...最後先放年糕煮一陣, 咁年糕就冇咁易淋啦~