食蕉 - 附香蕉蛋糕食譜

當屋企有蕉擺到起哂梅花點.....

當當自己冇買定第二日早餐比人.....

當當當自己一個係屋企冇乜野攪.....

之後....

我就走左去整香蕉蛋糕啦~

依個係聆尋晚整既, 我覺得好香香蕉味~

可能D蕉勁爆熟.....會變左香, 同甜~

食譜如下: (6"模)

蛋 大蛋用3隻, 中蛋用4隻, 細蛋用5隻 (我用左農場蛋, 我覺得佢極細, 用左5隻)

糖 60G

低粉 110G

香蕉 2.隻 / 鐘意可以拎多1隻鋪面做裝飾

牛油 20G


做法

*記得打蛋個盤唔好有水同油, 1滴油/ 水都足夠令你失敗*

先打全蛋打至寫到8字.....如下圖

再加入糖, 打多1.5分鐘, 跟住依盤野放埋一邊先! 




梅點蕉~~~

拎個兜打爛佢, 打到佢爛哂, 變左糊咁.....

牛油, 熱溶佢, 跟住灘一陣, 等佢冇咁熱

把蕉茸, 同牛油加入蛋糊之中, 同時再西入低粉...

輕手攪勻, 直定完完全全冇粉粒, 記得輕手, 唔好整爛蛋糊既氣泡, 蛋糕焗出黎先會有彈性

所有野攪勻之後, 倒入焗盤......6" 係倒唔哂既, 我會入左4個小紙杯~~~

6"要焗約25分鐘, 170度火, 小杯焗15分鐘~

小杯出爐啦, 我塞左舊蕉入去, 但係食既時候我覺得濕左D, 我建議大家切片放係面算~

*想唔浸左塊蕉既放法係唔好放蕉上面住, 放個蛋糕入去焗2分鐘先再放上面*

蛋糕都出爐了, 好香, 但係好夜啦, 我冇切黎食, 放左係到~



到第二朝依然軟熟, 唔錯~

嗱臨煮意~ 附茄汁海鮮意粉

依兜野, 我用20分鐘攪掂.....

快唔代表唔好味, 快唔代表冇營養, 快唔代表唔健康!

冇錯, 佢簡稱"嗱臨"


材料: (2人分量)

三文魚扒    1塊

蜆肉    半碗

小帶子    半碗

磨菇    1罐大

茄膏    1.5湯匙

茄汁    1/3支

水    200ml

糖    半湯匙

鹽    1茶匙

雞粉    1/2湯匙

黑胡椒    適量


意粉    250g


以下二樣溝勻先

水    2湯匙

粟粉    1茶匙

做法:

1 先把意粉等水滾烚5分鐘, 再熄爐焗佢7分鐘, 隔水放開

2 三文魚煎2面, 放哂所有野入去炒, 炒至半熟, 同埋壓散三文魚扒

3 放哂茄汁 茄膏, 糖, 鹽, 雞粉, 黑胡椒, 水入去煮至滾.再睇自己鐘意既汁既杰度去加入粟粉水...

4. 加入已烚的意粉入汁料, 中火煮多3分鐘, 攪掂


食之前可以加入黑胡椒粉調味:)

一次過满足你三個願望~

如果...你聽到一次過满足你三個願望....

你會諗起咩野呢?

我諗你同我諗既都係一樣~

我朋友幫我買左一盒出奇蛋~

係細個既鍚紙包裝~

充滿回憶既出奇蛋~

細個因為我地鐘意籃精靈, 姑媽買左一箱出奇蛋比我地~

結果, 我地順利地儲齊一套~~

瘋狂購物, 我想信係家族既遺傳.....哈哈

以下依盒, 係個朋友幫我係機場買既~

一盒有五隻, 入面係一隻小飛機~

當你們見到既時候, 你就會諗起舊包裝的出奇蛋....

請去相~


等我

等我今晚返去影相同埋POST相~

Kimberley's Cookie~

好耐冇整曲奇啦~~~~

好想整左好耐, 但係因為工事, 家務令我.....停產了!!!!!!!

依D係我之前整落架啦~

睇返都覺得好靚囉~~~

我今個星期五要動工先得啦~~

想要食譜, 請星期六留意我個BLOG啦~

 

光波燒肉 - 燒腩仔做法

話說早幾日好想食燒肉啦~

咁午餐就去左買盒燒肉飯做午餐!!!

盛為$36蚊~

我一食舊燒肉, 點解個皮唔脆既........真係O咀...O咀, 再O咀.....

我心目中, 佢會係脆, 但係佢冇....我好傷心咁望住盒飯.....

算吧啦, 都係靠自己算啦~

第二日我去左百佳買左件五花腩~

我自己做.....



燒腩仔做法


新鮮五花腩一舊 (約4" X 6")  要多皮. 塊皮唔可以冇咁一忽......

粗鹽 2湯匙


做法:

先煲一煲水, 能夠蓋過舊肉既, 煲滾佢....

跟住放舊肉落去煮, 中火得架啦, 煲返佢3個字到, 頭5分鐘朱皮向下, 跟住反轉佢煲多10分鐘~

之後拎舊肉出黎, 用朱插輕輕手咁插下佢, 要分佈成件肉, 由其D邊位, 唔好偷懶呀~

**記得, 越多洞洞, 佢會越脆架**

跟住用粗鹽係朱皮面係咁刷, 刷返佢分鐘2分鐘 (約50下左右啦)

之後拎粗鹽醃埋舊肉. 朱皮向上放係碟, 放入雪櫃下格雪佢18個鐘....(唔使包保鮮紙)

~~~


到左第二日, 你拎舊肉出黎, 你會見到佢個皮勁硬, 插都插唔入咁～

跟住就底部, 朱皮向下放入光波爐 高架 230度, 波20分鐘至

拎舊肉出黎, 切平個底部, 要令到波朱面果邊盡量係平的, 冇高低的

之後就朱皮向上250度波20分鐘至爆皮...

就可以拎出黎切, 但記得要朱皮向低咁切, 朱皮先唔會甩....同切得靚架喎

切開中間睇下熟唔熟, 唔熟可以再平面咁波佢10分鐘....

咁就攪掂, 以下係我成功的例子~

 

Hea gathering - Tea buffet at 恆豐酒店

la la la.... 休休閒閒的星期天~

約左我地一班好朋友一齊出去high high tea~

今次我地去左佐敦的恆豐酒店~

講返有D咩野食先~


以下係三文魚骨, 沙律, 同埋蛋撻.....

個三文魚幾好味, 所以見到隔離枱扲左二大碟.....

豆腐花, 好滑呀, LIKE~

以下依D一般啦, 仲有好多進步空間

壽司, 好難唔好味既咁又, 但係卷物我覺得太實了~

生果, 好甜, 西瓜亦起沙, LIKE~

以下依個係喇沙, 味唔夠濃呀我覺得, 不過可以簡材料, 都OK~

以下Dreyer's 冇得輸啦, 咁既價錢, 仲想點呢~

 

最後想講, 你想幾個人傾計靜靜地的話, 依到唔啱你~

依到比較嘈一D, 但係味道, 款式我覺得依個價錢黎講都算係咁.....

不過一開始果陣有小小要搶既感覺~

以下係我見到的情況.....

1. 小朋友周圍走, 同大聲係到玩~ (依個情況只係咁啱係到開生日會, 我估平時冇咁既情況掛)

2. 有個強國人拆爛左雪糕櫃既門....

不過都係果句, 咁既價錢, 你仲想點呢~