牛涮鍋

話說, 同少爺諗住去跑步....

點知佢同我講, 不如去食牛涮鍋啦~

點知, 我地就去左葵芳食牛涮鍋就冇去跑步啦~

由於未食過, 我地就簡左尾二平既牛....

佢牛係任食的, 叫完你可以再叫, 係咁叫係咁叫都得~

跟住出面有丸呀, 菜呀, 麵呀咁~

仲有汽水同雪糕~

限時九十分鐘~~

我地等左20分鐘到, 有位啦~~~

坐底, 簡湯底~~ 清湯同昆布

丸, 鳥冬, 汽水~

第一碟牛~

第二碟牛~

雪糕=完美句號~

埋野148 x2 (不過唔記得使唔使加一)

後記:

其實我覺得都算係咁啦, 任食任飲, 質素, 就ma ma地, d牛唔知係咪比我整得太耐, 鞋鞋地咁~

不過佢有自助雪糕機, 我覺得幾好玩^^

都值得再去既, 限時九十分鐘, 其實我個人都覺得夠時間!

不過會成肚牛咁出返間餐廳囉, hehe

煮意. . .(茄汁雞翼意粉) 附食譜

想食茄汁意粉好耐, 但公司附近冇茶餐廳!

難得今日唔使買野屋企都有材料, 係咁就手的情況之下....

我決定煮意....

本來諗住煮半包百德呀姨, 但又好似唔多夠咁...

等我煮哂佢先!

點知....超多= ="

留返一半聽日再整其他野!




食譜

茄汁雞翼意粉

雞翼 (中SIZE)                         10隻

意粉                                         200g

鹽                                            2茶匙

雞粉                                         2茶匙

茄汁                                         60ml

糖                                            2茶匙

黑椒                                         適量

水                                            100ml

 

雞翼醃料

生抽                                         1湯匙

糖                                            1.5茶匙

粟粉                                         1茶匙

鹽                                            1茶匙

辣椒(唔食辣, 可免, 但要放薑2片拍爛)

 

雞翼做法:

先把雞翼解凍, 再把所有醃料放入去攪拌, 放置30分鐘~

中慢火煎10分鐘或者180度焗15分鐘

 

意粉做法

煲水, 水滾後放入鹽, 放入意粉煮至軟身, 熄火, 焗5分鐘

用平底鑊, 慢火, 放入茄汁及糖, + 100ml 水, 雞粉, 周邊有小泡泡,

加入意粉, 慢慢用筷子”了” 開意粉, 炒至乾水

最後加入黑椒點綴. Ok~