炆脂肪.....附南乳炆豬腳食譜

我喜歡黐納納的感覺....

所以我鐘意花膠, 鐘意豬手, 鐘意糯米.....

今次, 真係炆左豬腳, 而唔係豬手....

因為豬腳冇咁多肉, 好多皮, 好多黐納納的感覺, 哈哈

材料~

豬腳 2隻

大南乳 1磚

柱候醬 1湯匙

水 2碗

大粒花生 1杯

冰糖 15g

薑 2片

做法

1. 豬腳, 先汞水.. 炆去豬毛

2.  爆香薑片, 放入豬腳爆香, 加入2碗水, 柱候醬, 花生, 冰糖, 南乳, 細火炆1個鐘, 再焗一個鐘.

3. 食之前, 再用中火至滾, 完成~

Little Chritmas Tree - 附聖誕樹做法

遲來介紹......

過氣的聖誕樹.....

雖然遲左, 但係佢都有佢特別之處!

樹身係薯蓉....出面係西蘭花~

最項果粒, 係IKEA 肉丸, 哈哈......

材料~

西蘭花二個

油 2茶匙

鹽 1茶匙

焗薯二個

鹽, 黑胡椒小小

牛油 20g

做法~

西蘭花出水, 備用

焗薯用刀切碎, 加入鹽, 黑胡椒, 牛油, 用手搓約2分鐘.

砌成圓椎體, 再慢慢插入西蘭花, 面頭插個肉丸, 週邊唧上沙律醬....完成~

***我係參考以下食譜的, 正式做法如下***

http://sweetheartkitchen.com/recipes/broccoli-christmas-tree/

花膠Jelly~

入凍, 要食返小小糖水滋潤下....

今次, 我煲左花膠糖水....做法好簡單, 有益, 啱女士飲用~

材料:

紅棗 50g, (去核)

冰糖 60g

元肉 40g

已經出水花膠 180g

薑 20g

水 around 5 - 6碗

做法:

1. 煲滾水, 除了冰糖, 把所有材料放入去細火煲30分鐘.

2. 放冰糖, 再細火煲10分鐘, 熄火焗30分鐘.

3. 片走面頭既泡泡, 再細火煲10分鐘

4. 食得~

平安夜

平安夜，星閃夜.......

一年一度的聖誕節來臨， 周圍的氣氛都超好...

公司， 每年也會有聚餐， 今年亦一樣.....

仲有抽獎， 估佢地唔好， 開心開心

而跟同事們之間， 我們也有飯局吔....

今日lunch 出左去食日式咖哩飯！

實不相瞞， 其貌不揚的咖哩飯是好味的！

可以加芝士， 要同it 人去食下先得....

至於晚上！ 應該都係出去食， 但我堅持今晚返去做甜品！

因為好幾天沒有食物照：（

續....

過左冬天, 就到聖誕節~~

今年忙於婚宴, 完全唔得閒行街....

連整野食既時間, 都有小小擠不出來!

唔好講揼IT人買禮物了....

時間還餘下數天......

所有東西也開始定下來......

未做既固然多.....待我這幾天慢慢把它們一一完成...

只希望當天, 天公做美, 唔好咁凍, 唔好落雨.....

攝影道具製作 - 嘔心瀝血 - 大囍字

嘔心瀝血既大喜字終於完成~

由買發泡膠, 介, 到痴色紙, 到收尾, 一手一腳完成~

我唔夠膽講佢好靚, 但至小個人感覺良好~

希望當天唔好咁快爛啦~

求其補....

放工好攰, 好凍, 好肚餓....

買小小野返屋企就可以做到雜菜煲~

今次加左料, 有花膠, 感覺上補好多....哈哈

加D白菜, 靈芝菇, 粉絲, 木耳, 金華火腿, 蟹柳....

就係簡單既一道餸...

甜蜜的味道

2014年12月15日的晚餐~

有脆著條, 美式朱肋骨, 白汁意粉~

簡單的一頓晩餐....

由於IT人晏返, 我唯有自己食住定....

有時我都覺得自己幾變態, 我有時想佢唔好咁早返~

因為, 我可以排靚D隻碟.....

薯條可以焗脆D等等....

雖然, 晚餐比較HEA, 但味道不錯....

亦落足心機去做, 希望你感覺到家的甜蜜~

Christmas is Coming. . . .

又到聖誕, 又到聖誕....

聖誕節最開心既係齊娃娃同朋友一齊開party...

而我最鐘意既, 係一陣陣聖誕樹既香味~

一路以來, 我都好鐘意松既香味....

但我覺得買一棵鮮聖誕樹唔係太環保, 同埋...屋企冇位放呢~

所以今年我買了一個聖誕圈來裝飾屋企....

今年, 我家也能散發了這個香味~~~

放工要買一點小飾物把聖誕圈裝飾一下~

喜悅 - 朋友聚會

在忙碌中, 也要見見朋友~

今次既任務十分之重要, 因為要派炸彈了~

而我地相約晚餐的地點, 葵芳新都會~

B字頭的德國餐廳~

Pizza, 幾清, 多菜小肉, 好啱女士~

下圗係小食併盤咁上下, 右下角果個有芝士, 磨菇咁, 好好味, 

左下係炸蝦, 左上係麥包+煙三文肉, 右上有D腸咁~

la la la, 女士飯局主角出場, 係甜品併盤~

不得了, 三樣都超正, 

最上係黑森林蛋糕卷+雲尼嗱雪糕,

中係pancake+紅莓汁

低係蘋果卷+雲尼嗱雪糕,

圓满~

時間一日一日咁過, 每天也有不同的任務~

喜悅的忙碌, 實不相暪, 有得簡, 唔好擺酒. 好煩!

煲仔排骨飯 - 附排骨做法

凍冰冰, 係時間暖暖胃~

放工返到屋企, 想快, 想好味, 想暖.....

煲仔飯係一個不錯選擇~


排骨做法

排骨 $20蚊 約半斤~

豆豉一湯匙

蒜頭 2粒 拍碎

豆粉 2茶匙

生抽 1茶匙

鹽 1/2茶匙

糖 1/2茶匙

做法:

把排骨洗淨, 隔乾後把所有野撈勻, 攪店~

動物包 - PART 2

步入婚禮既時間越黎越近....

而我既時間就越黎越小!

雖然好多野已安排, 但還有一點點濕碎野未做!

一個waiting list 開始有點長, 希望來臨既聖誕假, 可以完全完成~

今次做了動物包, 都係紅豆餡.

但冇用湯種, 包包冇咁軟熟....

所以食譜唔寫啦, 大家睇睇造型算啦~

造型包 - 附紅豆包食譜

朋友間開始有不同人在做包了

一同分享做法, 成果, 大對十分之满足

今次, 我跟友人一樣, 出去買了紅豆餡!

放棄左自己整! 原因係, 眼不見而覺得不肥!

餡係落左大量油先得軟滑, 香甜, 底蘊, 你明啦~

今次紅豆餡係荃灣民豐買....

住荃灣十個人有九個都會認識依間店舖

主要係買餃, 湯丸, 粉麵, 老字號.....

佢既紅豆餡好軟滑, 不太甜, 不錯的~

至於個包, 造型隨個人喜好, 今次我做左魚, 免, 蟹.....仲有不知名的火星生物, 哈哈



哈哈, 小學雞的造型~

但味道不錯, 出爐後食了二個包, 晩上9時45分!

說好的瘦身已經不知飛到那裡去.....
______________________________________________________________

食譜:

1. 湯種: (依個一定要自己做, 包機做唔到)

糖 50g

水 80g

高筋粉 100g

做法: 

1. 把水加熱至出煙, 加糖攪勻. 慢慢邊攪邊加入高筋粉攪勻, 搓至變麵糰. 

2. 放置20分鐘, 待用.

______________________________________________________________

3. 主麵糰:

糖 10g

鹽 1/4茶匙

水 80g

高筋粉 120g

酵母 5g

牛油 20g

做法: 

1. 把所有材料放進麵包機, 按Mode 10.

2. 10分鐘後, 放埋湯種麵糰入內, 等佢攪勻同發酵

3. 待麵糰發酵後分8份

______________________________________________________________

4.餡

 紅豆餡 250g

做法: 分8份

______________________________________________________________

做法:

1. 把紅豆包入麵糰內, 待發酵40分鐘

2. 160度焗12分鐘至金黃.

做型麵包做法:

1. 你可以包入紅豆餡後, 把麵糰做造, 魚, 雞, 狗, 大笨象, 乜都得.

2. 要記得收口要冇空間, 同埋紋一定要深, 因為唔深, 發酵完會冇野睇.

新玩具 - 五合一萬用鍋

又買左煲啦~

今次唔同, 今次依個好似玩具咁~

五合一, 不過好細個的~

可以做好多野架, 煎, 炒煮, 打邊爐, 蒸野,蒸蛋......

重要係....好平好平, 真係好平!

數字屋超市買的, 仲有八折~ 唔使$200. 平唔平先?

我拎左佢黎煎pancake 又試左黎蒸點心, 都好OK~

下一步, 我諗住拎黎蒸包~

雖然佢好細個, 但係暫時我覺得佢好好用~

得閒可以整下吉野家一人火煱, 掂呀~ (自我感覺良好中... ...)

細粒包 - 附迷李沙律腸包食譜

細粒包, 顧名思義, 係比細粒食既包~

如果, 你家冇細粒, 但係有細路既話, 同樣可以的~

依個可以作為細路返學小息時既小食~

感慨既!!! 我細個, 父母返工, 完全冇可能有媽咪做既小食拎返學~

而有既, 只得錢, 要食自已去買!!! 早餐, 午餐都係~

所以好細個開始自理能力已經好強!

我唔係話我細個唔幸福, 而係.....唔知點講~

就好似爭咁D野咁~

麵包食譜:

高粉 150g

糖 20g

練奶 5g

鹽 2.5g

水 100ml

牛油 15g

酵母 2g

脆皮腸 8條

bb沙律醬 隨意

芝士碎 隨意

香草 隨意

做法:

1. 把所有材料, 除左牛油同酵母放入包桶, 酵母放返入酵母格

2. 開mode 8, 由佢自己攪...過5分鐘後可以放牛油.

3. 1小時之後, 機會嚮, 取出麵糰, 拎走攪頁 撳取消, 我地會自行發酵, 依個時間我地已經唔使用包機了.

4. 用約1湯匙高粉做手粉, 可另麵糰冇咁痴手

5. 把麵糰開8個, 約每個35g.灑上高粉, 等佢冇咁痴手

6. 把麵糰滾圓, 係面中間用較剪,剪 一刀, 要較深先可以把腸仔放入去, 放上腸仔

7. 待放酵,  30分鐘, (同樣把一杯熱水, 一同放入焗爐) 至原大一倍

8. 唧上沙律醬, 添上小小香草, 同埋芝士碎.

9. 160度, 焗12分鐘. 完成~

Monday!

今個Monday 係1號, 係2014年既1號~

2014年, 上半年, 平平冇奇~ 但我相信, 平淡是福!

下半年, 好精彩! 仲一日比一日精彩!

一個接一個不想接收的震撼消息...

令我吃不消, 直情係消化不良!

還好我家喜事接二連三, 幫助消化一下~

2015年, 我將會成為李太, 從始多了一個身份~

但身不由已, 要從多方便學習~

賢妻自問稱不上, 但慢慢長路, 終有一日我會成功的.

但從上星期六開始! 唔知點解, 好似有渴睡証咁...

係咁瞓, 感覺好熟稔, 同時又是12月...

同時又是瞓極都頭暈暈, 重重的!

感覺不好受, 希望不是舊朋友的到訪!!!

早晨! - 附湯種蕃薯包食譜

當我同你講, 你成舊蕃薯咁既時候!

你唔好傷心, 唔好嬲!

因為, 我只係覺得你可愛, 你睇!

包包也一樣可愛, 也同蕃薯一樣!

當你會話好似某連鎖包店的包既時候!

我想講, 似, 但並不等於係! 

因為, 用料我用上來自日本的蕃薯, 韓國的麵粉, 糖, 澳洲的牛油, 同埋英國的可可粉....

每個人追求的東西都有所不同!

你愛時裝, 他愛車, 而我, 還是醉心烹飪...

蕃薯包食譜

1. 糖心蕃薯:

日本蕃薯 2個

糖 30g

水 夠蓋過蕃薯

做法:

1.待水滾, 加入糖, 再加入蕃薯去煮30分鐘, 再焗20分鐘, 完成.

2. 湯種: (依個一定要自己做, 包機做唔到)

糖 25g

熱牛奶 40g

高筋粉 50g

做法: 

1. 把牛奶加熱至出煙, 加糖攪勻. 慢慢邊攪邊加入高筋粉攪勻.

2. 放置20分鐘, 待用.

3. 主麵糰:

糖 5g

鹽 1/8茶匙

水 40g

高筋粉 60g

酵母 4g

牛油 15g

4. 裝飾

無糖可可粉 2茶匙

做法:

1. 把所有材料倒哂入包機, 撳mode 10. 

2. 10分鐘後, 可放入湯種, 等多50分鐘到就ok~

3. 把麵糰碌平, 包上蕃薯~

4. 把收口向底

5. 輕輕拍上可可粉

6. 用筷子係包包上面吉返幾個洞, 似返d蕃薯外型, 跟住作最後發酵, 放一煲煲滾左既水入去, 唔使蓋, 煲面放上包包, 放入焗爐發酵30分鐘.

7. 發酵完可以把包包切半, 要輕輕手, 唔子撳扁發酵好的包包

8. 放置多5分鐘

9. 最後, 180度預熱焗爐3分鐘, 再較返去160度, 焗15分鐘, 完成~

大菇 - 附焗大啡菇食譜

當平凡與上不平凡!

當冇理自以為有理!

當冇料變為有料.....

最近, 生活上有點不悅!

我堅持我所想, 堅持我無做錯, 而不會低頭!

人大了, 有了自己的思想, 有了自己對別人的睇法!

亦可以講, 對我發悔氣, 唔代表你的想法一切正確!

完!

宣洩完, 係時候講講我的大姑.....

呵呵, 如果....有日, 係超市係咁叫大姑大姑, 你千祈唔好望, 又唔好憤怒!

因為果個人可能係見到你身後的一排, 大啡菇!

一田一連幾日的特價又黎啦~

星期六, 跟IT人去的這個年宵預演!

冇想像中的多人!

買了這個大菇, Sorry, 係大啡菇至真~

亦買了這個熱狗腸, 簡簡單單做了饟大菇~

食譜

大啡菇 2隻

熱狗腸 1條 (切粒)

煙肉 1塊 (切粒)

芝士碎 2湯匙

鹽 1/8茶匙

黑胡椒 隨意

棷欖油 1茶匙

Tabasco小小 (如小朋友食, 可以唔落)

沙津醬 1湯匙

香草: 隨意

做法:

1.大啡菇先用濕水既廚紙抺乾淨, 去"丁"

2. 腸仔, 煙肉切粒.

3. 先放上鹽, 沙律醬, Tabasco, 棷欖油

4. 撒上芝士碎, 香草, 同黑胡椒碎, 用180度火焗20分鐘 (至表面金黃)

5. 完成了, juicy既大姑出爐.

我想.....發夢

今日見到朋友交友網站去南非影獅子!

我見到, 我心諗其實獅子都好得意~ 我都想養返隻~

正常人養猫, 養狗, 養豬, 養馬, 養變色龍~

但冇乜人養獅子~

唔知會唔會有他朝一日, 獅子可以純化到係屋企養呢...

或者我應該養一隻鬆獅狗先~

火辣辣 - 附簡單版麻辣雞煲食譜

天氣開始涼涼地~

係時候要烚下烚下!

當放工時, 可以買既餸已經不多!

咁, 不如買隻雞返去整雞煲打邊爐啦~

話明簡單版, 材料所有都係現成既...

最緊要係....容易買, 容易整.....

雞煲食譜:

冰鮮雞 1隻 (今次我用左半隻)

洋蔥 1個

蒜頭 4粒

麻辣醬 1包 (火煱湯底麻辣醬)

油 1湯匙



做法:

1. 洗乾淨雞, 去雞脛, 雞翼尖, 雞腳腳甲

2. 雞切件, 瀝乾水, 洋蔥平面切一開四

3. 落油爆洋蔥, 蒜頭, 洋蔥乾身後落雞件, 邊炒至雞件開始變白, 落麻辣醬再兜勻.

4. 吸蓋煮多5分鐘, 上枱

激死我啦

好幾日冇打blogger了！

因為我家中的煤氣喉在樓下裝修工程其間給弄穿了！

還記得當天我在機場上班，看到不知名的電話多次來電

接聽後竟是煤氣公司來電。

KIM 小姐，你在家嗎？你的煤氣喉有漏氣情況，

第一，我心諗，如我係屋企我會唔知漏煤氣嗎？

第二，我係屋企，你們拍門我會唔知嗎？

一早到尾，整件事把我的心情弄壞了！

本來，我跟IT人打算到馬場參加啤酒節的活動

因樓下的工程，令我們的活動告吹了

包包，令我冇時間做，飯又冇時間煮，還沖涼都冇熱水，要煲水

仲有要攪到我把廚房所有野執拾，簡直想暈低！

愛煮的我，廚房＝我家的心臟，一堆堆的廚具，一部部的機器，一個個的鐵鍋，

請問樓下的裝修師傅，你知有多重嗎？

希望能快點給我的廚房還原。。。。

再續。。。。。。。。。。。。。。

開估!!!! - 附雞脾包食譜

大家用10秒時間.....估下個包入面包估左D咩......

1

2

3

4

5

6

7

8

9

10.....

開估~

冇錯, 你冇睇錯, 係隻雞脾黎.....

哈哈, 正所謂, 雞脾打人牙骹軟.....

今次, 你地個牙骹仲唔軟.....

其實想做左好耐, 終於食完飯, 的起心肝行動....

做法仲一D都唔難, 只係要預先整左雞脾先....

但講緊都係半個鐘左右的時間.....

雞脾食譜:

雞睥 2隻

八角1粒

細瑞士汁 1枝

150ml 水

做法:

1. 把瑞士汁加水煲熱至微滾, 把已經清洗好的雞脾放入去煮....

2. 中火開蓋煮大約15分鐘, 跟住吸蓋焗佢10分鐘...

3. 焗完後可拎起隔汁, 留返一陣做包用.

**可以整多小小雞翼/ 雞蛋(要先烚熟左隻蛋, 再除去殼先可以放入汁內)做餸, 唔使浪費左d汁**

麵包食譜:

高粉 150g

糖 20g

練奶 5g

鹽 2.5g

水 100ml

牛油 15g

酵母 2g


做法:

1. 把所有材料, 除左牛油同酵母放入包桶, 酵母放返入酵母格

2. 開mode 8, 由佢自己攪...過5分鐘後可以放牛油.

3. 1小時之後, 機會嚮, 取出麵糰, 拎走攪頁 撳取消, 我地會自行發酵, 依個時間我地已經唔使用包機了.

4. 用約1湯匙高粉做手粉, 可另麵糰冇咁痴手

5. 把麵糰1開2, 分成二份.

6. 碌成長方型.... 跟住每邊剪約1.5" 長, 剪3下....

7. 中間放上雞脾.....

8. 把麵糰左, 右互疊, 麵糰尾放入包底.

9. 以下係包左出黎既模樣....

10. 把雞脾包放上牛油紙上, 放入焗爐內發酵30分鐘 (放一杯滾水入去), 咁會易d發酵.....

11. 30分鐘後, 把已發酵的包包, 熱水等所有物品取出....

12. 焗爐預熱3分鐘, 160度...

13. 包包焗12分鐘, 160度火.....

出爐啦出爐啦出爐啦~~~

完成了....

出爐後放置15分鐘即可品嚐.....