花卷

都講左, 我愛上中式包架啦~

又有相啦, 不過都係上星期做落的~

點解係咁做中包呢~

一黎, 慳時間, 佢唔使點發酵~

最緊要係, 麵糰, 我用麵包機攪架....

冇錯呀, 我係用麵包機攪個麵糰, 咁我咪做小好多野囉~

我又要講, 我小左整西包, 吐司, 但我都有用我架寶貝麵包機!

只要用餃子皮模, 就可以做出中式包的麵糰啦~

跟住可以直接做型, 造型後, 便可以放入蒸爐到發酵10分鐘!

再蒸, 20分鐘, 咁就完成啦~~

方便, 快趣, 餡料可以自己做, 又健康, 可以控制鹽份, good good good 架^^

近作....

近來....有一點心事!

我覺得人越大越難去表達自己內心想法!

我唔想去講D野令到愛我既人唔開心...

但亦唔想屈住係自己到令到自己唔開心....

IT人好多野做, 好忙, 我唔想打攪佢....

咁, 唯有去做一些自己做完覺得開心的事!

依排, 我愛上做中式包, 原因多了一個工具!

買左個多月都冇得閒講過!

原因, 我要整多D野再一次過Post 上黎....等自己日後多一點回憶....

個工具係Panasonic 蒸焗爐, model: NU-SC100

成日都想換焗爐, 但我好古寒地唔換, 要堅持佢壞左先換!

最終佢都係冇壞, 而我又成日比人毒話蒸爐有幾好的時候!

又見到蘇寧有特價, 又見到IT人冇乜反應之下....咁就買左!

依架野除左個PAT PAT好大之外, 冇乜唔好!

同埋買左個幾月, 我有煮野的話就會用依架野!

因為佢可以蒸! 

樓下依個包係靠佢蒸的, 得嗎?

唔得唔緊要!

因為我自己覺得得, 哈哈....

太耐冇打blogger, 有一點自戀....

執位