kimberley kitchen order

其實都有成十日~

而家都收左好幾張單~

大部分都已經交左貨~

大家好好滿意, 我真係好開心~

希望大家可以多多支持啦~

久違了的...三角薯餅

三角薯餅, n年前大家樂都仲有得食~

但係依十年, 已經好似冇左依樣野咁!

早幾日, 係樓下見到有, 買左一pack返屋企焗返熱佢食~

搵返那些年的感覺~

入面有一粒粒薯仔係到架, 好味道!

點埋茄汁....滿足呀^^

有時, 食既時候唔會珍惜, 但一冇左...就會懷念!

人就係咁...

焦糖杏仁酥again!

忍唔到手又忍唔到口!

好想食, 咁就整啦!!

今次, 把杏仁片好細心咁一層一層咁焗!

好好味真係, 好似拖肥咁~

依d食物, 越食越出事, 但我又愛不惜手~

想食就快d落order啦, 8粒, 30蚊^^

檸檬薏米水

天氣太太太熱啦!

要煲d野飲下, 消下暑!

今日我地煲檸檬薏米水~~美白, 去水一剔過^^

材料: (我煲左有3支500ml)

生薏米 30克

熟薏米 30克

檸檬  2個  

冰糖 70g

水 2公升

做法:

1.先將薏米浸30min~沖洗一下~

2.煲滾水後放入薏米，煲約60mins.

3.檸檬洗乾淨，起肉切粒.(檸檬皮留用)

4.加冰糖, 待冰糖溶化可關火, 放檸檬皮煲2mins(太耐會澀)

5.放涼, 放入檸檬肉, 攪勻, 放入雪櫃~

準備試新野~

真係唔簡單...

因為我今朝搵到一個抗通脹早餐!

係一包炒米粉, 仲要係六蚊.

冇打錯, 係六蚊...加多包4蚊檸檬茶, 都係十蚊!

好有抗通脹的感覺~~~

為左咁, 我都係堅持自己整餅...

唔出去幫襯出面!!!!

所以決定...今晚試新野~

我好鐘意焗爐~

所以今日都係會焗....

而係焗咩黎, 比小小貼示你地啦, 係甜同硬既...hohoho

估下啦估下啦, 估到有免費曲奇一包~

yeah~

曲奇不易做!

訂單不多!

但已經做左我一日啦!

五隻口味....每隻味既分量都唔同.....

量量量, 攪攪攪!!!

一日時間, 攪掂左六包曲奇, 3包鳳梨卷!

thanks my dear customer.....

放左4隻曲奇上yahoo 幾日!

但係冇人落單...有小小心灰意冷呢.....

忙碌的一天!

今日都好忙....因為約左舊同學夜晚BBQ!

又諗住整野比佢地試下!

又要預備交貨, 做定D要雪既放係冰格!

跟住做好了又要入沙田同少爺食LUNCH!

做做做, 忙忙忙, 好趕咁過左一日!

而我做到既, 係杏仁蘇餅同杏仁脆片!

好攰, 但都好充實.....