罐燒雞 - 附食譜

話說, 上星期去了和興行買凍肉....

多口問了姐姐, 有咩好介紹, 佢話雞啦....

好, 唔多問, 信佢, 雞就雞啦....

雞係巴西白雞, 一D都唔細隻~~

係我心目中, 凍鮮雞最好係燒.....

因為燒到佢脆卜卜, 跟本係冇機會難食的~

於是....我見朋友早排send 左張相比我. 係佢囡囡整的燒雞....

見到有個啤酒罐係入面....

一於照版轉碗, 我擺罐菊花茶入去先~

記得拎鍚紙包左個罐先....

早一晚用鹽焗雞粉+籽然粉醃好的凍雞.....

用200度, 焗佢30分鐘.....至雞全熟, 完成.....

哂電 - 焗蘋果片....

水果, 好健康....又好食.....

但點解唔食, 因為好飽囉......

食完飯咁飽點再食一個水果.....

如是者, 我揾了解決方法....

就係焗脆佢.....

做法好簡單.....

只要用機器把蘋果切片, 浸鹽水30秒, 瀝乾, 加一湯匙糖攪勻....

再入焗爐風乾就可以....

好哂時間, 好哂電, 80度, 開一個鐘, 30分鐘後拎出黎反轉...

之後再開110度, 焗多10分鐘.....吹乾佢, 就會脆~

完成....