話說! 有同事係街買左一樽即磨黑芝麻醬...
我見到之後,諗到屋企架食物處理器都應該做到...
咁我就當然係走左去買芝麻試下啦!
跟住去買完黑芝麻,又洗又炒....
我可以好直接咁講比大家知, 黑芝麻超....污穢
洗完格乾水, 我就用易潔鑊中小火炒返乾身....至到有芝麻味...
再之後用食物處理器打成粉....
過多三分鐘左右佢會已經變左粉, 跟住再打多三分鐘左右開始打到出油,痴埋一舊舊
再打多三分鐘,就變成一pat pat....
再過三分鐘就變成了滑滑黑芝麻醬了....
如果我打既時候唔係晚上11點,我會打到佢變得再滑一點!
希望我食完頭髮可以更黑啦, 同埋冇防腐劑, 可以用黎做包包啦:)
沒有留言:
張貼留言