每個人都會有不同的喜好!
要逗IT人其實好簡單....
只要係佢唔得閒理我既時候, 拎D佢喜歡既野係佢眼前出現.....
一切, 就在心中.....
今次既作品, 當然是滿足IT人架啦....
簡單, 易做, 清爽.....就係....西瓜盅....
其實依個西瓜盅最長時間的步驟係.....發西米......
要每一粒都精塋....就最緊要靠焗.....
食譜如下:
小西瓜 - 1個
涼粉 - 1碗
乾西米 - 2湯匙
冰粒 - 1碗
做法....
1. 先煲水, 放入西米, 滾5分鐘, 焗佢20分鐘, 做2次, 直至西米透明為至.....跟住要過浸凍水, 備用....
2. 涼粉洗乾淨, 用食水沖沖佢先切粒, 放返落雪櫃, 備用....
3. 切左個西瓜頂部.... 先把西瓜盅"筆"出裝篩用的西瓜波波, 再把西瓜仔內7成既西瓜肉"筆"出黎, 記得留返個西瓜盅....
4. 把個盅同個西瓜蓋用保鮮紙封好, 放返落電櫃, 保持凍冰冰先....
5. 把7成既西瓜肉, 加半碗冰用攪拌機, 打勻, 放返落冰箱雪成沙冰...(每20分鐘拎出黎攪攪佢, 大約一個半鐘左右會完成.
6. 係食時先把一早預備好的材料放入西瓜盅.....
7. 先放入涼粉, 西瓜沙冰, 排好西瓜波波, 再放上西米.....亦可放上你喜歡的水果.....
8. 完成...一個大人, 小朋友都喜歡的涼浸浸甜品....
沒有留言:
張貼留言