熱鍋上的牛肉 - 附食譜

當.....每人都為生活而努力的時候!

我們要對自己的肚子好一點....

做一點自己喜歡的食物.....

令自己心情開懷, 對未來一天充满鬥志~

熱鍋上的牛肉飯, 我家IT人無敵的喜愛~

為天每天辛勞工作的他....我當然要做一些他喜歡的晚餐:)

其實好易做......只係把所有野放埋一齊就可以~

牛肉, 我唔用肥牛, 因為...太肥囉~

我用了安格斯牛扒切片, 記得打斜切....

咁就可以厚得黎又大塊D同易熟D....

一塊18CM長牛扒, 已經夠做2 個鐵板飯了.....

不過, 依個飯要做好多預備的工夫....

記得做, 因為依個飯要嗱嗱臨, 快快手做的, 如果唔係牛肉會變左牛肉乾架....

同埋, 可以用雞, 豬, 三文魚等等做材料, 口味又會有所不同呢:)

食譜如下: 2個鐵板飯

汁

蒜蓉 - 1湯匙

生抽 - 4湯匙

糖 - 1湯匙

水 - 150ml

做法, 爆香蒜蓉, 加鼓油, 水, 糖, 煮20秒, 熄火, 備用...

鐵板飯做法

白飯 - 2碗 (記得先用碗盛起, 備用...)

芝士 - 5湯匙

牛扒 - 1塊(若18CM長) (記得要斜切, 備用...)

蛋 - 2隻 (記得, 先把蛋預打落2個碗, 1個鐵板飯1個蛋, 備用...)

黑椒 - 大量

粟米 - 半杯

做法:

1. 落油, 燒熱鐵板至出煙....見到有油紋, 就可以...

2. 落白飯, 牛肉, 粟米, 蛋, 芝士, 蒜蓉汁, 再係鑊到煎多10秒

3. 上枱後記得要即時反轉未熟既牛肉另一面...同埋....係鐵板撈勻所有材料....

4. 灑上黑椒碎...完成...