IT人係牛魔皇, 佢乜牛都鐘意~
所以屋企好多時都有牛扒, 牛肉, 牛丸, 牛皮膠紙等等~
今次整係牛肋條, 出左街食左幾日飯~
牛肋條一直迫我違忙係雪櫃....
今日終於整左, 當我放工返到屋企已經係7:45分既時候
自自然然就得一個字, 就係快!
老實講, 又肚餓, 但又堅持要整野食~
唯一係要整快, 又好食, 又飽, 又唔太肥, 仲要係IT人啱食!
今次整了黑椒汁牛肋條....
食譜如下:
牛肋條 1磅左右 (視孚你地自己食既份量)
黑椒 1茶匙
粟粉 2茶匙
糖 1.5茶匙
生抽 . 2茶匙
老抽 1/2湯匙
水 2湯匙
做法如下:
1 .牛肋條洗淨, 用抺手紙印乾水份
2. 放牛落鑊煎香, 二邊變色, 跟住放黑椒, 生抽, 老抽煮大約30秒
3. 再放糖, 粟粉+水(要先預先溝勻), 較返細火等佢煮~
4. 待汁開始收乾水可以起碟.
*5. 如有汁多可以放個烏冬炒, 煮左出黎超好味的~
沒有留言:
張貼留言