電視成日都講生舊叉燒好過生左你呀!
幸好, 我媽咪由細到大都冇咁講過~
但早幾日, 我生左舊叉燒出黎~
哈哈, 因為我買左舊豬肉整叉燒呀~
色香味齊全, 食唔哂仲可以切粒炒飯, 又唔會落添加劑, 都唔錯架~
大家得閒就試下整啦~
朱肉買半肥瘦梅頭, 同豬脛肉同樣好味!
食譜如下:
梅頭豬肉 半斤
叉燒醬 4湯匙
海鮮醬 1湯匙
入爐蜜糖 (適量)
做法:
朱肉買返黎洗乾淨(我每塊約半寸厚, 太厚怕中間唔熟), 用廚紙抺乾
把所有醬料同朱肉拌勻, 放雪櫃醃4個鐘!
之後拎出黎放入光波爐低架每邊燒25分鐘
最後搽上入爐蜜糖, 每邊燒1分鐘
P.s. 燒唔黑唔使擔心, 因為搽左蜜糖就會比輆大易上色!
沒有留言:
張貼留言